కన్నుల్లో నీ రూపు కరిగి కన్నీరుగా మారి చెక్కిళ్ళపై జారింది ,
గుండెల్లో నీ ఊసు ఊహగా మారి ఊరించ సాగింది ,
నీ జాడ కోసం నా పాదమే పక్షిగా మారి ఊరంతా తిరిగింది ,
నీ రాక కోసం నా కంటిపాపే కలువలా మారి ఎదురుచూసింది ,
నీ మాట కోసం మదిలోన భావం మెరుపుగా మారి మురిపించ సాగింది ,
నీ చెలిమి కోసం నా పిలుపే నీ తలపుగా మారి తపించ సాగింది ,
నిను చూడగానే నా మోము మరు మల్లెగా మారి విరబుయ్య సాగింది ||