ఆ నిమిషం తెలియలేదు..........

                                                      ఆ నిమిషం తెలియలేదు
                                                      నీ అడుగులో అడుగెయ్యాలని
                                                      నీ వెనకే నిలుచున్నాను

                                                     నీ అడుగు మరో అడుగులో పడుతుందని

                                                     నా జీవితం మరో యేడడుగులే అని

                                                     ఆ నిమిషం తెలియలేదు

                                                     నీ మాటలే నా పలుకవ్వాలని

                                                     నా మాటలకి మౌనం నేర్పాను

                                                     నీ మాటలే అరువొస్తున్నాయని

                                                     నా పలుకు మూగబోతుందని

                                                     ఆ నిమిషం తెలియలేదు

                                                    నువు నాతో ఉంటే యే చిక్కుముడులైతే

                                                    నా దారికడ్డమేంటనుకున్నా

                                                    నీకు పడ్డ మూడు ముళ్ళలో

                                                   నా ఊపిరి చిక్కుకు పోతుందని

                                                   ఆ నిమిషం తెలియలేదు

నీకు రాసివ్వాలనే ఉంది..

గుండె గుండెకు మధ్య
విధి వింతగా ప్రవర్తించినప్పుడల్లా
వెదికి వెదికి వజ్రాన్ని సంపాదించినట్లు
ఆ పిలుపు ప్రకంపనల ద్వారా
నీ హృదయంలో దాక్కోవాలనే ఉంది

నిస్వార్ధంగా...నిజంగా ఉండాలే గాని
తాకి చూడలేని తారల్ని సైతం
తాయిలంలా నీకు పంపాలనే ఉంది

ప్రతిక్షణం పంచే నీ అనురాగంలో
రాగాన్ని నేనై ఉండాలే కానీ
నీ స్పర్శను అంతరాత్మలో భద్రపరుచుకోవాలనే ఉంది



నీ నిత్య నామ స్మరణలో
నా నామం ఒక్క క్షణమైనా వినిపించాలే కానీ
శాశ్వతంగా నీ చిరునవ్వుల చిరునామానైపోవాలని ఉంది

కదులుతున్న ఈ నిరంతర పోరాటంలో
నీకు నేను నాకు నీవు అనిపించాలే కానీ
నీ అడుగుల సవ్వడిని అందరికి వినిపించాలనే ఉంది

కారణం ఏదైనా కానీ
కనుచూపు మేరలో నువ్వు కనబడాలే కానీ
కలవపువ్వునై నిత్యం నిన్ను కొలవాలనే ఉంది

ఈ అనంత విశ్వంలో
ఉన్న ఎన్నో బ్రమ్హాండాలలో
అణువైనా నాకోసం నువ్వు వెదుక్కోవాలే కానీ
హృదయాకారంలో నిన్ను వెంబడించాలనే ఉంది


లక్షల వేల క్షణాల కాలంలో
ఏ కొద్దీ కాలమైనా నువ్వు నాకై నిరీక్షించాలే కానీ
నా జీవితాన్ని నీకు పూర్తిగా రాసివ్వాలనే ఉంది

కనీరై ఎదను తాకే నీ జ్ఞాపకాలు మండే నా వేదన చలర్చగలవ...

కనీరై ఎదను తాకే నీ జ్ఞాపకాలు మండే నా వేదన చలర్చగలవ...
నా కనీటి బాష్పల చాటు దాగున స్వప్నల పై ఒట్టు
నా హ్రుధయం దారులు అన్ని నీ ప్రెమ పువులతొ పరిచ
ఎకంతంలొ వేచ నీకై అనందలే మరిచ కనీరే లేని లోకన్ని స్రుహ్టించనీవు
నీవులేవన్న సంగతినె మరిచ ఇ చికటి కల పేరే అశ అది నెకైన తెలుస మనస
నా ఏదలొ పూసిన రొజ నీకు హ్రుదయం అన్నది లేద "అద్రుష్టం ఎరుగని
నా జీవనపయనానప్రేమ మెరిసిన మేరుపుస్నేహం తొలకరి చినుకు
నా పయనం ఒంటరి వైపు ........ నా పయనం ఒంటరి వైపు ........

నా ప్రాణం నీ దగ్గర ఉండిపోయింది.......

నా ప్రాణం నీ దగ్గర ఉండిపోయింది
నీతో నన్ను ఊహించుకుంటూ నా మది మురిసిపోయింది
నీ అభిమానానికి నా హృదయం పొంగిపోయింది
ఆ అభిమానానికి అర్థం తెలిసి నా గుండె ఆగిపోయింది
నీతో చెప్పాలనుకున్న మాట నా పెదాలపై కరిగిపోయింది
తీగ తెగిన వీణలా నా గొంతు మూగబోయింది
నీకోసం ప్రాకులాటలో నా మనసు అలసిపోయింది
ఏంటో ఇదంతా కలలా జరిగిపోయింది
కాని నీకు తెలియదు, నా ప్రాణం నీ దగ్గర ఉండిపోయింది